За овој рецепт се потребни помалку од 120 минути

1. Во тенџере на оган растопете го путерот со шеќерот и какаото, па додајте 300 г чоколадо и мешајте додека да се растопи. Потоа оставете ја смесата потполно да се олади.
2. Во изладената смеса додавајте ги јајцата едно по едно и мешајте со миксер. Смесата претурете ја во тавче за печење бр. 24 обложено со хартија за печење. Се пече околу 80 минути на 140 степени.
3. Останатото чоколадо (250 г) растопете го со слатката павлака.
4. Печената торта кога потполно ќе се излади и ќе сплесне, прелијте ја со чоколадото.
5. Белото чоколадо изрендајте го на ситно ренде врз тортата, додека преливот не е стегнат, за да се добијат убави шари.
6. Тортата пред послужување чувајте ја најмалку 4 часа во фрижидер за да се излади и стегне.