За подготовка на овој рецепт се потребни помалку од 50 минути

1. Во тенџере ставете вода и шеќер и подгответе шербет. Мешајте додека не се растопи шеќерот, а потоа додајте сок од 1/2 лимон, намалете го оганот на минимум и гответе 10-тина минути. Оставете го настрана да се олади.
2. Истопете го путерот и добро намастете голема тава за печење. Останатиот дел од стопениот путер полијте го врз кадаифот. Добро натопете го, ако е потребно стопете дополнително путер, а потоа поделете го на два дела.
3. Едниот дел од кадаифот ставете го во тавата за печење и притиснете добро со дланките.
4. Кашкавалот ситно исечкајте го и нанесете го врз кадаифот, а потоа покријте со другата половина од кадаифот и повторно притиснете со дланките.
5. Печете во загреана рерна околу 35-40 минути додека содржината во тавата не добие убава златна боја.
6. Извадете од рерна, исечете на делови и прелијте го десертот со ладен шербет. Декорирајте со сечкани ф’стаци и веднаш сервирајте додека кашкавалот е растопен.