За подготовка на овој рецепт се потребни помалку од 60 минути

1. Јаболките се лупат и се сечат на по шест парчиња, па се ставаат во тенџере со три чаши вода да се варат околу 40-тина минути.
2. По 40 минути се додаваат 1 чаша шеќер и ванилиниот шеќер.
3. Откако убаво ќе зовријат, се додава претходно приготвен густин на ист начин како што се прави пудинг: во сад се додаваат 3 лажици густин, 3 лажици шеќер и вода, добро се меша додека состојките се соединат.
4. Јаболката и густинот добро се мешаат додека да се добие посакуваната густина. Кога јаболката ќе изгледаат како желе или пудинг, тенџерето се трга од оган.
5. Во длабок сад се ставаат мелени бисквити на кои им се додава малку шеќер во прав.
6. Потоа во чаша за сладолед или некоја друга било каква чаша, со лажица се става малку од смесата со мелените бисквити, потоа со црпалка се додаваат приготвените јаболки, па се става одозгора пак бисквити и јаболка. Постапката се повторува додека се наполнат чашите, а на крајот се додава цимет.