За овој рецепт се потребни помалку од 4 часа

1. Округол калап за торти обложете го добро со хартија за печење. Премачкајте го дното и краевите на хартијата.
2. Во друг сад измешајте го растопениот путер со мелените бисквити да добиете хомогена смеса, па потоа добро со дланките натапкајте ја на површината на садот. Ставете го садот во фрижидер 30 минути.
3. Потоа околу 50 г од јагодите исечете ги на половинки и распоредете ги на краевите на кружниот сад.
4. Желатинот (7 г) растопете го во вода.
5. Во друг сад ставете го ладното крем сирење. Матете го неколку минути со миксер, потоа постепено додавајте го кондензираното млеко и продолжете со матењето.
6. Исцедениот сок од лимон ставете го во тенџере на оган и додајте го желатинот. Смесата треба кратко да се меша на оган (не да се зоврива), а потоа оставете ја кратко настрана и измешајте 2-3 лажици од смесата од крем сирењето (за да нема грутки).
7. Потоа измешајте ги смесата со крем сирењето и смесата со лимонот и желатинот, прелијте ги врз бисквитите и оставете неколку часа во фрижидер.
8. Во меѓувреме подгответе го филот од јагоди: во ладна вода растопете ги листовите желатин (5 г) неколку минути.
9. Јагодите сомелете ги со шеќерот, па ставете неколку лажици од смесата во тенџере на оган. Додајте го желатинот, мешајте добро, па додајте го остатокот од смесата со јагоди.
10. Мешајте повторно, тргнете од оган и прелијте ја смесата врз тортата. Оставете ја уште неколку часа да се олади, па сервирајте.