За овој рецепт се потребни помалку од 60 минути

Тесто

1. Во сад се мешаат брашното, прстофат сол, малку рендана кора од лимон и шеќерот, па се прави длабнатина во средината и се додаваат путерот, омекнат и исечен на коцки, жолчките од јајце и водата.
2. Смесата убаво се меша, се мати со миксер додека да добие малку кремаст состав, а потоа се префрла на набрашнета површина, се додава уште брашно по потреба за да се замеси средно тврдо тесто.
3. Тестото убаво се изработува со рацете, постепено му се додава од брашното за да не се лепи, а потоа се става во проѕирна фолија и се остава во фрижидер 1 час.

Фил

1. Путерот (претходно извадете го од фрижидер за да омекне на собна температура) исечкајте го на коцки и со миксер пенасто изматете го.
2. Додајте го шеќерот, потоа 1 жолчка, па 2 јајца и матете со миксерот непрекинато.
3. На крај додајте го кокосот и измешајте добро да се соединат состојките.

Финална постапка

1. Округла тава се премачкува со путер и се набрашнува.
2. Врз неа се растегнува тестото, така што на краевите ќе биде малку задебелено и нагоре. Површината на тестото избодете ја со виљушка.
3. Додајте го филот и добро премачкајте.
4. Печете во рерна на 180 степени околу 40 минути.
5. Оставете го тестото да се олади, а во меѓувреме растопете го чоколадото со слатката павлака на тивок оган.
6. Прелијте ја кростатата со чоколадо и оставете ја во фрижидер (најдобро преку ноќ) да се олади и стврдне глазурата.