За подготовка на овој рецепт се потребни помалку од 50 минути

1. Подготовка на шеќерниот сируп: во лонец на оган ставете вода, шеќер, ванилин шеќер и малку исцеден сок од лимон. Кога ќе зоврие, намалете ја температурата и гответе половина час, а потоа оставете настрана да се олади.
2. На тивок оган ставете го путерот да се топи и не мешајте. Тргнете од оган и отстранете ја пената, путерот внимателно ставете го во чиста чинија, а млечниот талог од дното фрлете го.
3. Добиениот топен путер ставете го во сад на оган, додајте брашно, мелени бадеми и непрекинато мешајте додека смесата не добие златнокафеава боја т.е. додека не згусне и не почне да се одвојува од садот.
4. Изгасете го огнот и во смесата со постојано мешање постепено додавајте го претходно приготвениот шеќерен сируп.
5. Сè добро промешајте и погрижете се да нема грутки, а потоа на тивок оган повторно мешајте ја алвата додека не почне да се одвојува од садот.
6. Кога ќе биде готова, тргнете ја од оган и оставете да се олади. Обликувајте бомбици, а потоа извалкајте ги во мелени бадеми и по желба додајте цимет или шеќер во прав. Пред послужување, најдобро е да ги чувате бомбиците алва во фрижидер и тоа неколку дена.