За овој рецепт се потребни помалку од 150 минути

1. Во една тава ставете ги брендито, сокот од половина портокал, половина од ѓумбирот и 5 ловорови листа. Додајте го месото и оставете го да се маринира еден час превртувајќи го повремено.
2. Потоа исцедете го од маринадата, истапкајте го со салфета, посипете го со ренданата кора од портокал, малку цимет, сол и бибер. Премачкајте го месото со свинска маст и завиткајте го во ролат, па врзете го со конец. Помеѓу конецот ставете ги стапчињата цимет.
3. Намастете една тава со 2 лажици масло, ставете го месото завиткано во ролат и полијте 3 лажици масло. Додајте ги ловоровите листови и останатиот ѓумбир, како и 1,5 дл супа.
4. Печете го месото на 190 степени околу 50 минути поливајќи го повремено со сосот од печењето. Оставете го да отстои 5 минути пред сервирање.