За овој рецепт се потребни помалку од 90 минути + 5 часа во фрижидер

1. Ставете ги листовите желатин во еден сад со ладна вода да отстојат 15 минути.
2. Бадемите ставете ги 1 минута во зовриена вода, исцедете ги, излупете ги и сомелете ги.
3. Ставете ги мелените бадеми во ситна газа, заврзете ја газата и ставете ја во сд со 2 дл млака вода. Оставете ги така 1 час или додека да добиете „млечна“ вода.
4. Потоа извадете ја газата и добро исцедете ја со притискање за да се истисне цела вода од бадемите.
5. Млекото од бадеми измешајте го со млекото, шеќерот, малку цимет и кората од лимон, па варете го 15 минути на тивок оган со постојано мешање.
6. Отстранете ја кората од лимон, додајте го желатинот кој претходно сте го ставиле да омекне во вода и сте го исцедиле.
7. Течноста сипете ја во калап со зафатнина од 1,5 л и оставете во фрижидер 5 часа.
8. Пудингот сервирајте го посипан со цимет.