Овој рецепт се подготвува за помалку од 50 минути

1. Од пилето отстранете ги сите мали влакненца внимателно горејќи ги, потоа измијте го, избришете го и поделете го на 8 делови. Исчистете ги целерот, морковот и кромидот, кромидот исечкајте ги на тенки резанки, а останатиот зеленчук ситно исечкајте го.
2. Од сланината отстранете го масниот дел и исечете ја на мали коцки. Префрлете ја во тава и пржете ја на 2 лажици масло 5 минути, мешајќи ја со дрвена лажица.
3. Во тавата ставете ги парчињата пилешко месо, зголемете ја температурата и пржете го месото вртејќи ги со дрвена лажица се додека не зарумени. Посолете го, попиперете го и по 2 минути тргнете го од тава.
4. Во маснотијата во која се пржеше месото дидајте ги останатото масло, кромидот и подготвениот зеленчук. Намалете ја температурата и пржете го зеленчукот 5 минути, без да зарумени.
5. Повторно вратете ги парчињата пилешко месо во тавата, оставете ги да се загреат, па полијте ги со вино, зголемете ја температурата и оставете целото вино да испари.
6. Намалете ја повторно температурата, додајте ги исечканите домати (исчистени од семките, лушпата и течноста), поклопете ја тавата и пржете ги 25 минути. неколку минути пред да ги тргнете од оган додајте го исечканиот босилек и сервирајте ги.