За подготовка на овој рецепт се потребни помалку од 60 минути

ТЕСТО:

1. Во тава ставете го брашното, едно по едно кршете 10 јајца и додавајте ги во тавата. За тесто за равиоли, тортелини, лазањи и слично се става 1 јајце на 100 грама брашно.
2. Замесете го тестото убаво и ставете го врз набрашнета површина, а потоа поделете го на 6 дела и формирајте од секој дел топка.

ФИЛ:

1. Во тенџере ставете изрендан морков и исечкан кромид.
2. Малку пропржете, а потоа додајте половина од меленото месо и убаво промешајте.
3. Додајте ги претходно исечканите домати и црвеното вино и оставете да се готви. Посолете и додајте бибер по желба и потоа кога ќе се зготви тргнете настрана.
4. На оган ставете друга тава со путер и ставете го преостанатото месо да се пржи, а потоа ставете го во сад настрана.
5. Во садот со месото додајте 2 лажици пармезан, рендано морско оревче и 2 жолчки и убаво соединете.

ПОДГОТОВКА:

1. Расукајте ги топките тесто на набрашнета површина во тенки кори.
2. Со нож исечете ги корите на квадрати со големина околу 5 см, а потоа секое парче филувајте го со подготвениот фил од пармезан, месо и 2 жолчки и формирајте тортелини.
3. Сварете ги готовите тортелини во посолена вода околу 15-тина минути.
4. Сварените тортелини ставете ги во тенџерето со доматите и месото, убаво промешајте за да впијат од сосот и ставете ги на оган кратко да се пропржат.
5. На крај послужете ги тортелините во чинија, изрендајте морско оревче и додајте ситно сечкан магдонос. Наросете и пармезан по желба и уживајте!