За овој рецепт се потребни помалку од 40 минути

1. Во подлабок сад ставете го рикота сирењето и зачинете го со сол и бибер. Испасирајте го со виљушка да нема грутки и да добие кремаст состав.
2. Сирењето оставете го во фрижидер околу 30-тина минути.
3. Во меѓувреме на маслинките извадете им ги семките и иситнете ги во блендер, па ставете ги во чинија настрана.
4. Сувиот домат исто така изблендирајте го и ставете го во друга чинија настрана.
5. Ароматичните тревки (босилекот, темјанот и нането) измијте ги и исушете ги, а потоа ситно исчекајте ги или изблендирајте ги во блендерот, па тргнете ги во чинија настрана.
6. Смесата со рикота сирењето извадете ја од фрижидер и формирајте бомбици со големина на орев.
7. Потоа секоја бомбица валкајте ја во 4 различни мешавини (во една чинија кари, во друга ароматичните тревки, во трета маслинките и во четвртата чинија суви домати).
8. Бомбиците послужете ги веднаш или оставете ги во фрижидер да отстојат до утредента.