За подготовка на овој рецепт се потребни помалку од 60 минути

1. Во тенџере со зовриена вода ставете ги нелупените компири и варете ги околу 30 минути. Потоа исцедете ги, излупете ги и испасирајте ги со вилушка. Оставете ги настрана да се подоладат.
2. Тиквичките измијте ги и изрендајте ги со ренде на крупни парчиња, а потоа оставете ги да се исцедат.
3. Во поголем сад ставете ги исцедените тиквички, испасираните компири, јајцата, ренданиот пармезан, исечканиот магдонос, ситно сечканото лукче, сол и бибер. Убаво измешајте и соединете ја смесата со дланките.
4. Кашкавалот исечете го на коцки со димензии околу 1.5 сантиметри. Земете дел од тестото со тиквички, сплескајте го со дланките и во центарот ставете 1 коцкичка кашкавал. Покријте го со дланките и формирајте бомбица.
5. Лебните трошки измешајте ги со сусамот. Добиените бомбици извалкајте ги внимателно во смесата од лебните трошки и ставете ги во огноотпорен сад со намастена хартија за печење. Постапката повторете ја со преостанатата смеса.
6. Така подготвените бомбици, попрскајте ги со малку масло и ставете ги да се печат во загреана рерна на 200°C, околу 20 минути додека не добијат убава златнoжолта боја.