За овој рецепт се потребни помалку од 45 минути

1. Сварете тврдо четири јајца, изладете ги и излупете ги.
2. Кромидот исечкајте го ситно и пропржете го со две лажици загреано масло околу 5 минути.
3. Додајте ги пченичните и зобените снегулки, водата и изронетата коцка за супа. Добро измешајте и варете на тивка температура околу 3 минути да добиете црврста, леплива смеса.
4. Смесата тргнете ја од оган, додајте ги зачините, па оставете да се лади.
5. Млаката смеса поделете ја на четири дела. Со влажни дланки сплескајте еден дел од смесата и во неа завиткајте едно тврдоварено јајце. Смесата убаво завиткајте ја околу јајцето и добро распоредете ја.
6. На ист начин со смеса обложете ги и преостанатите три јајца. Смесата не смее да биде премногу сува бидејќи при пржењето може да испука.
7. Во еден сад ставете брашно, во друг изматете ги јајцата, а во трет ставете ги лебните трошки. Секое јајце валкајте го прво во брашно, па во јајца и на крај во лебни трошки. Пржете ги јајцата во поголема количина загреано масло додека заруменат.