Овој рецепт се подготвува за помалку од 60 минути

1. Боранијата ја сечкаме на парчиња и 5 минути ја вариме во посолена зовриена вода во тенџере на оган. Сварената боранија ја ставаме во длабок сад.
2. Лентите сланина ги сечкаме на покрупни парчиња и ги додаваме во садот. Лимонот го цедиме во цедалка, го додаваме во садот и промешуваме.
3. Во длабок сад ги кршиме јајцата. Го налеваме млекото. Посолуваме, наросуваме бибер и додаваме вегета и промешуваме.
4. К0мпирите ги сечкаме на кругови.
5. Половина од боранијата со сланина ставаме во огноотпорен сад намрсен со путерот. Прекриваме со круговите компири. Во садот ја додаваме преостанатата боранија со сланина. Преливаме со мешавината од јајца и млеко.
6. На покрупната страна од рендето во садот го рендаме кашкавалот. Попрскуваме масло за јадење.
7. Садот го ставаме во рерна, печеме 45 минути на 180 степени и го вадиме од рерна.