За овој рецепт се потребни помалку од 30 минути

1. Се матат 4 јајца со 14 лажици шеќер како за торта, па се додаваат 15 лажици масло, 16 лажици млеко (по желба може и вода наместо млеко), 13 лажици брашно измешани со 14 лажици гриз и со едно пакетче печиво.
2. Рерната не се загрева предвреме. Смесата се истура во тепсија бр. 30 (претходно намастена и набрашнета), па потоа рерната се вклучува и тестото се става да се пече. Проверете со чепкалка дали е испечено, па оставете го да се олади.
3. Во меѓувреме подгответе шербет: 500 г шеќер се вари со 1 литар вода додека убаво зовријат и шеќерот се растопи, додајте пакетче ванилин шеќер.
4. Печеното тесто извадете го од рерна, исечете го на коцки и оставете да се олади, па откако шербетот ќе биде готов, со него попарете го изладеното тесто.
5. Оставете убаво да впие, па послужете.