За овој рецепт се потребни помалку од 35 минути

1. Коренот од целер исечкајте го на покрупни парчиња и обарете го во тенџере со зовриена вода. Откако ќе се излади, со рака истиснете ја водата.
2. Киселите краставички, конзервираната пиперка и вареното јајце исечкајте ги на ситни коцки и измешајте ги со ситно сечканите лук, маслинки без семки, коренот од целер и магдоносот.
3. Во садот додајте ги мелените ореви и иситнетата туна, па прелијте со сокот од лимон.
4. Зачинете со сол и бибер и измешајте ја салатата.
5. На буковките отсечете им ги рачките и исечкајте ги рачките на коцки.
6. Буковките набрашнете ги и пржете ги на загреано маслиново масло во тава на оган.
7. Ставете ги во чинија обложена со хартија, наполнете ги со смесата од туна и редете ги во чинија за сервирање.