За подготовка на овој рецепт се потребни помалку од 120 минути

1. Месото измијте го, исечете го на крупни парчиња, посолете го по вкус и ставете го во тенџере да се пропржи на загреано масло околу 10-15 минути додека убаво не зацрвени. Мешајте и пржете го од двете страни.
2. Во меѓувреме измијте ги и исечкајте ги китките магдонос на ситни парчиња, а лукот излупете го и чешнињата исечкајте ги на средно крупни парчиња.
3. Кога месото ќе се пропржи, додајте го магдоносот, лукот и налејте вода колку да го покрие месото. Зачинете по вкус и варете на тивок оган додека да се свари месото.
4. Во меѓувреме подготовете запршка: во тава ставете лажица масло и лажица брашно и пропржете додека не се добие убава жолта боја, па додајте црвен пипер.
5. Додајте малку вода и прелијте го јадењето со запршката, а потоа оставете да се вари на тивко уште 5 минути додека да згусне.
6. Послужете со топол потпечен леб и кисело млеко. На здравје!