Овој рецепт се подготвува за помалку од 30 минути

1. Путерот претходно омекнат на собна температура се мати постепено со шеќерот во прав и со едно јајце. Откако ќе се соединат се продолжува да се меша со лажица и се додава уште едно јајце. Убаво се меша за да се добие хомогена смеса.
2. Млечното чоколадо се крши на парчиња и се топи на пареа. Стопеното чоколадо се става во претходно приготвениот фил и се меша да се соедини.
3. Се редат бисквитите претходно малку натпени во млако млеко и се премачкуваат со филот. Постапката се повторува уште 3 пати и потоа одозгора се реди уште еден ред бисквити. Одозгора се става изматен шлаг крем. (Подгответе го според упатството)
4. Колачот се става во фрижидер. Откако ќе се излади, кексот се сече во форми по желба.