Овој рецепт се подготвува за помалку од 90 минути

1. Загрејте ја рерната на 180 степени.
2. Подмачкајте округла тава за печење со путер.
3. Во голем сад ставете ги смелените колачиња Орео и стопениот путер. Промешајте и префрлете ја смесата во тавата за печење. Убаво распоредете ја и натапкајте ја.
4. Во мал сад стопете го чоколадото.
5. Во сад со електричен миксер матете ги крем сирењето и шеќерот.
6. Додајте ги млекото, јајцата, киселата павлака, стопеното чоколадо и продолжете со мешање додека смесата не се изедначи.
7. Потоа додајте ја нутелата и ванилата и повторно мешајте. Додајте го и какаото и брашното и мешајте додека брашното не е апсорбирано.
8. Филот префрлете го во тавата за печење врз тестото и печете ја тортата 60-75 минути.
9. Кога ќе завршите со печење исклучете ја рерната, отворете ја малку и оставете тортата целосно да се олади во неа.
10. Потоа ставете ја тортата во фрижидер додека не е време да ја послужите.
11. За чоколадниот прелив, во сад ставете хопла и чоколадо за готвење и ставете го садот во микробранова печка 1 минута. Извадете го, промешајте и полијте ја тортата. Одозгора можете да поросите искршени лешници.