За овој рецепт се потребни помалку од 60 минути

1. Прв дел: 5 јајца се матат со 5 лажици шеќер, 2 лажици брашно, 2 лажици какао и 10 лажици мелени ореви. Пандишпанот се става во намастен плех и се пече.
2. Втор дел: 4 јајца се матат со 4 лажици шеќер, 8 лажици мелени ореви, 2 лажици какао и 2 лажици брашно. Се пече.
3. Фил: половина литар млеко се става во тенџере на оган, се додаваат 250 г шеќер, 5 лажици густин и се вари со постојано мешање на умерена-тивка температура. Откако филот ќе згусне, се остава да се излади целосно.
4. Посебно се мати маргаринот и со лажица убаво се меша со оладениот фил и со желе бонбоните.
5. Првиот пандишпан се филува, се поклопува со вториот пандишпан и одозгора се полива со чоколадна глазура од растопено чоколадо.