За овој рецепт се потребни помалку од 60 минути

1. Потопете го сувото грозје во малку вода, а во меѓувреме изматете ги јајцата со шеќерот и со ванилиниот шеќер додека добиете пенаста смеса.
2. Во пената додајте ја изренданата кора од лимон, 250 г брашно, прашокот за печиво, млекото, румот. На крај додајте го исцеденото суво грозје измешано со 30 г брашно, лешниците, бадемите и ренданото чоколадо.
3. Смесата распоредете ја во огноотпорен сад покриен со хартија за печење и  печете ја во загреана рерна на 200°C околу 20-тина минути.
4. Извадете ја смесата од рерната и оставете ја да се олади. Исечете ја на коцки.
5. Измешајте го шеќерот во прав со какаото и со 6-7 лажици ладна вода. Со глазурата полијте ги колачите и оставете да се стврдне, па послужете.