За овој рецепт се потребни помалку од 80 минути

За бисквитот:

1. Во сад изматете 3 јајца со 100 грама шеќер.
2. Во друг сад ставете го брашното во друг сад и измешајте го со циметот, прашакот за печиво и какаото.
3. Во средина направете дупка и ставете ја смесата од јајца и шеќер, маргаринот (омекнат на собна температура за да може да се меси). Почнете да месите сè додека не добиете хомогена смеса. Потоа завиткајте ја смесата во фолија и оставете ја да отстои 1 час во фрижидер.
4. Потоа расукајте ја кората, извадете со кружен калап колачи и печете ги 10 минути во рерна на 200°C. Оставете ги да се ладат.

За пената:

1. За тоа време подгответе ја пената: ставете го желатинот со малку вода во еден сад да набабри.
2. Сварете 120 мл вода со 320 г шеќер да добиете сируп. Тргнете го садот настрана и во тоа додајте го пченкарниот сируп (или медот). Додајте го желатинот во садот со шербетот и измешајте, па оставете да се олади.
3. Во друг сад изматете 4 белки со малку шеќер и сол за да добиете пена. Додајте ја смесата со желатин и шеќер и измешајте за да се соедини сè убаво. Со готварски шприц ставајте од пената над секој од оладените колачи.
4. Готовите колачи наредете ги во плех и оставете ги да се сушат на собна температура 24 часа. Потоа прелијте ги со топено чоколадо.