За овој рецепт се потребни помалку од 90 минути

1. Во млака вода ставете 1 лажица сол и 1 лажица шеќер. Измешајте ја смесата и во неа додајте го квасецот, па повторно убаво мешајте.
2. Потоа во голем сад додајте го брашното и измешајте го со подготвениот квасец, со малку сол и со млака вода по потреба за да замесите меко тесто. Оставете го да стасува околу 30 минути.
3. Од тестото се формираат топчиња со средна големина. Од првото топче се расукува кора, се премачкува со путер и се филува со измешани праз и сирење по вкус. Кората се витка како кифличка, па потоа како полжавче и се става во центарот на кружна, намастена тепсија.
4. Околу неа се обвиткуват другите кори и се полни плехот.
5. Питата се премачкува со малку путер и се пече во загреана рерна на 200 степени околу 30-40 минути додека да добие убава боја. По половина час печење проверувајте што се случува во рерната.