За подготовка на овој рецепт се потребни помалку од 60 минути

1. Во сад за матење ставете пченкарно и бело брашно, јајца, сол, масло и матете со постепено додавање на вода додека не добиете смеса со густина како тесто за палачинки.
2. На оган ставете тава за пржење и попрскајте ја со маслиново масло, убаво размачкајте ја внатрешноста со четка и ставете дел од смесата во тавата. Пржете убаво на една страна како кога пржите палачинки, а потоа свртете на другата.
3. Готовите тортиљи наредете ги во чинија една врз друга.
4. Во подлабок сад ставете сечкан кромид, шунка исечкана на коцки, доматот исечкан на коцки и ситно сечкани чили пиперки.
5. Во садот додајте павлака и малку издробено сирење, 2 чешиња исечкан лук, сол и бибер и убаво промешајте со лажица додека не се соедини смесата.
6. Потоа тортиљата ја виткате во ролат и ја полните со подготвенот фил, па прицврстувате на врвот со чепкалка. Истата постапка повторете ја со останатите тортиљи.
7. Така подготвените тортиљи ставете ги во намастен сад и повторно пржете ги. Во тавчето додајте: исечкана зелена пиперка, уште чили пиперки по желба, чили во прав, половина исечкан домат, иссечкан кромид, ситно сечкан магдонос и преостанатите 2 чешниња исечкан лук. Посолете и додајте бибер по желба и убаво пропржете ги неколку минути од сите страни.
8. Така подготвените тортиљи, ставете ги на даска за сечење, отстранете ги чепкалките и исечете ги на парчиња накосо по должина. Послужете ги топли.