За овој рецепт се потребни помалку од 60 минути

1. Рибјите филети исечете ги на тенки парчиња од околу 2 см и наредете ги на 4 парчиња намастена фолија. Прелијте ги со свежо исцеден сок од лимон, посолете ги и забиберете ги.
2. Одозгора ставете половина тегличка салата од туршија и тоа парчиња карфиол, моркови и зелен домат. Ставете и исечкана брокула и друг сезонски зеленчук по желба. Добро затворете ја фолијата.
3. Печете ја рибата на скара околу 45 минути. На крајот прелијте ја со прелив по желба (може да биде прелив од пиперка). Сервирајте ја со француски леб кој исто така го запековте на скарата.
4. Лебот пред да го испечете попрскајте го со масло и истријте го со чешниња лук.