За овој рецепт се потребни помалку од 60 минути

Пандишпан:

1. Со миксер пенасто се мати 140 г маргарин со 140 г шеќер и 1 пакетче ванилин шеќер.
2. Се одделуваат жолчките и белките на 6 јајца.
3. Постепено се додава 1 по 1 жолчка во смесата со маргаринот и се мати до изедначување на смесата.
4. Потоа се додава 1 лажица какао, 2-3 ребра растопено чоколадо, па 140 г мелени ореви (или лешници).
5. 6-те белки пенасто се матат со миксер, се додаваат со останатите состојки и се меша полека со лажица додека се изедначи.
6. Смесата се претура во округло тавче намачкано со маргарин и брашно и се пече во загреана рерна на 200 степени.
7. Откако убаво ќе се испече пандишпанот, се сече на два еднакви дела.

Фил:

1. Пенасто со миксер се мати 125 г путер, 125 г шеќер во прав, 1 пакетче ванилин шеќер и се додаваат 2 жолчки една по една.
2. Се додава 1 кафена лажица какао, 3 ребра растопено чоколадо и се продолжува со матење.
3. Настрана се матат 2 белки со миксер и потоа се додаваат во смесата, се промешува полека со лажица.
4. Оладениот пандишпан се филува со оладениот фил и одозгора тортата се декорира со чоколадни трошки.