Овој рецепт се подготвува за помалку од 80 минути

1. Компирот се вари со лушпа 30 минути.
2. Доматот се лупи, се вадат семките и се сечка на ситни коцки. И моцарелата се сечка ситно. Чешнето лук се ренда на ситно ренде, а печеницата се сечка на коцки.
3. Јајцата се матат заедно со млекото и со рузмаринот, се додаваат сол и бибер.
4. Компирот се лупи и се сече на плочки со иста дебелина. Во подмачкано тавче со путер се редат наизменично компирот, доматот, моцарелата и печеницата.
5. Францускиот компир одозгора се полева со млеко измешано со јајца и со пармезан и се пече 30-40 минути во загреана рерна на 220 степени.