Овој рецепт се подготвува за помалку од 55 минути

1. Шпагетите сварете ги во солена вода, во меѓувреме исечете ги на долги резанки измиените и излупени тиквички и моркови.
2. Исечкајте ги магдоносот и копарот, а сирењето исечкајте го на коцкички.
3. Зеленчукот издинстајте го на една лажица масло и ставете ги во него исцедените шпагети. Кратко загрејте ја целата смеса.
4. Со помош на лажица и вилушка обликувајте гнезда од шпагетите и зеленчукот.
5. Посебно измешајте го маслото со оцетот, сенфот и павлаката. Додајте ги ситно сечканите магдонос и копар, коцкичките сирење, солта, биберот и лимоновиот сок, па со добиената смеса прелијте ги гнездата.