Овој рецепт се подготвува за помалку од 40 минути

1. Пилешкото месо го толчиме со дрвен чук. Потоа го засекуваме.
2. На оган ставаме тава за пржење и во неа ставаме путер и маслиново масло да се загреат. Во тавата ги ставаме парчињата пилешко месо, ги посолуваме и зачинуваме со мелен црн пипер.
3. Кашкавалот го рендаме на покрупната страна од рендето и го собираме во еден сад. Во садот ја додаваме хоплата и промешуваме со лажица.
4. Месото во тавата го превртуваме за да биде рамномерно испржено од двете страни.
5. Земаме една тава за печење. Врз месото го ставаме преливот од кашкавал и хопла. Тавата ја ставаме во рерна. Печеме 3-4 минути на темпераура од 200 степени.
6. Ја вадиме тавата од рерна и ја ставаме на работната маса. Со лажица решетка парчињата месо ги ставаме на чинија, а потоа со лажица ги поливаме со сосот во кој се подготвуваа.