За овој рецепт се потребни помалку од 60 минути

1. Од 1 л млеко се одвојуваат 100 мл кои се матат со желатинот и со 12 лажици шеќер, а преостанатите 900 мл млеко се ставаат на оган да зовријат.
2. Кога млекото ќе зоврие, се додава изматениот желатин, се меша и се остава повторно да зоврие. Се трга од оган и се остава да се излади.
3. Кога ќе се излади смесата, се додава шлаг-крем, 1 шолја млеко и шлаг-пена, па се мати со миксер додека се добие хомогена и густа смеса.
4. На оган се става тава без масло, се истура 100 г шеќер да се растопи. Се трга од оган и се остава да се излади. Потоа се додаваат мелени ореви и наполитанки (претходно сомелени).
5. Дното на поголемо тенџере или калап се посипува со ореви, па се истура 1/3 од кремот. Потоа се нанесува 1/2 од смесата со ореви и наполитанки. Одозгора се излива 1/3 крем, па се нанесува преостанатиот дел од смесата со наполитанки.
6. На крај се излива преостанатата третина од кремот и се остава да преноќи во ладилник.
7. Пред сервирање, тенџерето се превртува врз сад за торта, а одозгора се декорира со шлаг и со ореви.