За подготовка на овој рецепт се потребни помалку од 60 минути

1. Модрите патлиџани излупете ги така што еден дел е лупен друг не (шарено), отстранете им ја дршката, исечете ги долж на половина и оставете ги да отстојат во солена вода 1 – 2 часа.
2. Потоа исцедете ги, исушете ги со крпа и пропржете ги на загреано масло. Кога ќе омекнат, оставете ги во чинија настрана.
3. Исечкајте го лукот и пропржете го на маслото заедно со исечканите домати. Гответе додека смесата не зоврие и не испари течноста, при тоа мешајте постојано. Додајте исечкан магдонос, сол, бибер и вегета и убаво промешајте.
4. Модрите патлиџани ставете ги во намрсена тава, наполнете го убаво секое од парчињата од смесата со лук и домати, а остатокот прелијте го врз модрите патлиџани. Додајте 1 – 2 децилитри вода и печете во загреана рерна на 200°C околу 30 – 35 минути.