За подготовка на овој рецепт се потребни помалку од 80 минути

1. Во сад се ставаат 500 грама брашно (од кое 2/4 е интегрално брашно, 1/4 пченкарно и 1/4 бело брашно), шеќерот, солта, 1 јајце и јогуртот. Се замесува меко тесто и се остава да стаса 30 минути.
2. Од тестото потоа се прават мали топчиња, од секое топче се развлекува кора во мал круг и се наросува со пченкарно брашно.
3. Филот се приготвува од изренданите и испржени компири со кромидот (посолени и наросени со 1 лажичка бибер), потоа процедени од течноста.
4. Секое развлечено топче се става во калап за панцероти, се полни со фил, па се притиска за да се затвори убаво и да се добие форма на панцерота.
5. Секоја панцерота се премачкува со разматено јајце и се наросува со сусам, ким или друго по желба.
6. Се оставаат уште 15 минути да достасаат, а потоа се ставаат во рерна на 200°C да се печат.
7. Пред крајот се вадат и се попрскуваат со 100 мл вода во која има 1 лажица маргарин (ова ги прави помеки панцеротите).
8. Потоа се печат уште 5 минути, па се послужуваат.