За овој рецепт се потребни помалку од 45 минути

1. Загрејте ја рерната на 180 ̊C.
2. Доматот и пиперките (може уште една чили пиперка по желба) измијте ги, исчистете ги и преполовете ги, а главицата лук целата преполовете без да ја лупите.
3. Во огноотпорен сад ставете ги исечканите зелечуци, зачинете ги со сол, мајчина душица и бибер и посипете ги одозгора со масло.
4. Печете ги во загреаната рерна околу 15-20 минути или додека убаво се потпечат, омекнат и добијат кафенкаста боја.
5. Извадете ги од рерна, излупете го лукот, па ставете го во блендер со останатите состојки и блендирајте додека добиете хомогена смеса. Зачинете повеќе по вкус. Ова е сосот за вашите ќофтиња.
6. За подготовка на ќофтињата: ставете го меленото месо или ситно сечканиот колбас во сад и измешајте го со лебните трошки, сечканиот магдонос, пармезанот, јајцата, згмечениот лук, сол, морач, бибер и маслиновото масло.
7. Состојките измешајте ги и измесете ги добро со дланките, па потоа пржете ги на маслиново масло 10-тина минути со повремено вртење од сите страни додека добијат убава кафена боја. За поздрава варијанта може да ги печете ќофтињата во рерна врз хартија за печење.
8. Послужете ги врз палента или пире од компири заедно со сосот од пиперки и домати.
9. Buon appetito!