За подготовка на овој рецепт се потребни помалку од 120 минути

1. Јагнешкиот бут, заедно со 3 главици кромид исечени на четвртини, се вари во солена вода околу 90 минути.
2. Се загреваат 2 супени лажици масло и се мешаат со јогурт, пире од домати, сол и бибер. Со оваа смеса се премачкува бутот и се става да се пече половина час во рерна на температура од 200°C.
3. Модриот патлиџан се лупи, се сече на кругови, се посолува и се остава да се цеди.
4. Останатите 2 главици кромид, лукот, пиперките, доматите и магдоносот ситно се сечкаат и се динстаат во 3 супени лажици масло.
5. Исцедените модри патлиџани се редат во огноотпорен сад заедно со миените млади компири и морковите, се преливаат со смесата, се посипуваат со малку вода и масло и се печат во рерна околу 30-тина минути.
6. Јагнешкиот бут се послужува во чинија и околу него се редат печените модри патлиџани, моркови и компири и се полева со сосот.