Овој рецепт се подготвува за помалку од 120 минути

1. Брашното ставете го на штица за месење, направете вдлабнатина, ставете малку сол, искршете ги јајцата и замесете тесто додавајќи по малку млеко да биде како за секоја пита. Измесете го убаво, зашто од тоа зависи како ќе се сукаат јуфките.
2. Покријте го тестото со влажна салфетка да не се суши. Оставете го да се одмори еден час.
3. Потоа кинете кравајчиња и сукајте ги колку што може потенко во машина за правење јуфки (или рачно).
4. Суканите кори потоа сечете ги на тенки ленти од околу 1 см (може во машина за правење на јуфки или рачно).
5. Јуфките треба да се сушат на чисти чаршави на провев. Откако ќе почнат јуфките да пукаат сами, соберете ги во платнена вреќа и оставете ги на суво место до зима.