За овој рецепт се потребни помалку од 120 минути

1. Месото засечете го на повеќе места, а потоа зачинете го со сол и бибер и истолчете го со чук. Оставете го настрана да ги впие зачините.
2. Во тенџере со зовриена вода ставете ги замрзнатите пченка и грашок да се варат заедно со исечканите моркови. Откако зеленчукот ќе се свари и ќе омекне, исцедете го.
3. Во длабок сад со виљушка изматете ги јајцата и додајте го исцедениот зеленчук во нив.
4. Зачинете ги со сол и бибер, па пржете ги во тава на 50 г растопен путер.
5. Испржената кајгана ставете ја врз јунешкото месо, свиткајте ролат и прицврстете го со готварски конец.
6. Пржете го ролатот на преостанатиот путер во тава за печење.
7. Во тавата додајте ги ситно сечканиот кромид и ловоровите листови.
8. Откако ролатот ќе се запржи од сите страни, во тавата за печење додајте 300 мл вода и затворете ја со алуминиумска фолија.
9. Печете го јадењето во рерна на 200 степени околу 90 минути.
10. Потоа извадете го ролатот, отстранете му го готварскиот конец и пресечете го на шницли.
11. Течноста од тавата каде што се печеше месото ставете ја во тенџере на оган и додајте ги измешаните брашно и кисела павлака.
12. Мешајте со жица и гответе додека сосот ја добие потребната густина, измешајте и малку лимонов сок во готовиот сос, па со него прелијте ги шницлите.