За овој рецепт се потребни помалку од 60 минути

1. Во тенџере на оган се става 600 мл вода да зоврие. Се посолува и кога ќе почне полека да врие, внимателно го ставаме брашното.
2. Треба да се внимава брашното да не пропадне во водата, напротив, треба да остане колку што може на површината на водата.
3. Со рачка од дрвена лажица се прават дупки во брашното. Потоа се остава да се вари на многу тивко, околу 45 минути (за оваа количина брашно, доколку ставите повеќе, потребен е еден час).
4. По 45 минути, со дрвена лажица се меша смесата да стане хомогена.
5. Во друг сад во масло или на свинска маст се пржат колбасите (може и чадена сланина, џимиринки или ќофтенца од мелено месо). При крај на пржењето, се додава доматен сос и се меша, па се трга од оган.
6. Качамакот се става во куглов калап за да добие убава форма и се остава малку, или пак се прават кружни топчиња со поголема лажица.
7. Се става врз чинија за послужување и одозгора се истура месото во сосот. Јадењето се служи топло.