Овој рецепт се подготвува за помалку од 60 минути

1. Главицата кромид ситно ја сечкаме и ја пржиме во тава на оган со 50 г растопен путер.
2. Откако кромидот ќе омекне, во тавата го додаваме изгмеченото чешне лук.
3. Листовите спанаќ ситно ги сечкаме и ги додаваме во тавата. Посолуваме и наросуваме бибер.
4. Започнуваме со подготовка на бешамел сосот. Во тенџере на оган ставаме 20 г путер да се растопи. Во тенџерето со растопениот путер го додаваме брашното и мешаме со лажица. Потоа во тенџерето го додаваме млекото.
5. Во тенџерето со бешамелот рендаме морско оревче, посолуваме, наросуваме мелен бибер и мешаме со жица. Кога ќе се добие потребната густина, го тргаме тенџерето од оган.
6. Откако течноста ќе испари, ја тргаме и тавата од оган.
7. Претходно сварените и излупени компири ги гмечиме и ги додаваме во тавата со спанаќот. Во тавата го додаваме и изгмеченото сирење.
8. На ситната страна од рендето во тавата го рендаме кашкавалот и мешаме со лажица додека состојките се соединат.
9. Филот од тавата за пржење го ставаме во готварски шприц. Со помош на шприцот со фил ги полниме канелоните од двете страни и ги редиме во намрсена керамичка тава за печење.
10. Во тенџерето со бешамел сосот ја додаваме киселата павлака и мешаме со жица за матење додека сосот и павлаката не се соединат.
11. Потоа со бешамел сосот со павлака ги преливаме полнетите канелони во тавата.
12. Во тавата го рендаме и преостанатиот кашкавал. Ја ставаме тавата во рерна и печеме 20 минути на 150 степени.