За овој рецепт се потребни помалку од 80 минути

1. Во тенџере на оган се загрева вода со малку сол, а потоа се става карфиолот исечен на парчиња да се вари. Потребно е карфиолот да се свари, а притоа да остане цврст.
2. Сварениот карфиол се вади од водата и се реди во тавче претходно премачкано со масло.
3. Лукот ситно се сечка и се става врз карфиолот, се посолува и се прелива со малку масло.
4. Во друг сад на тивок оган се приготвува бешамел сосот. Во садот се става масло, откако маслото ќе се загрее се додава брашното. Се пржи додека брашното добие боја. Потоа во садот со постојано мешање полека се додава млекото, се вари уште 7-8 минути со постојано мешање, потребно е да се добие средно густ сос, па се додава и сол.
5. Вака приготвениот сос рамномерно се истура врз карфиолот, потоа врз сосот се става ситно рендан пармезан, па се прелева со многу малку масло.
6. Карфиолот се пече во рерна на 180 степени, околу 30-40 минути.