За овој рецепт се потребни помалку од 2 часа

1. Во млака вода ставете ги квасецот и шеќерот и оставете 10 минути да нараснат.
2. Во длабок сад измешајте ги брашното, јајцето, жолчката, водата, млекото, малку сол, маслото и додајте го квасецот. Замесете тесто и оставете го 1 час да нарасне.
3. Тестото поделете го на 3 дела, а секој од нив на уште 3 дела. Сите делови расукајте ги на мали кори.
4. Првата кора намачкајте ја со павлака, врз неа ставете ја втората и намачкајте ја со павлака, па третата кора, но не ја мачкајте. Постапката повторете ја и со преостанатите кори.
5. Набрашнете ја масата и расукајте голема кора, намачкајте ја со павлака и врз неа наредете ја шунката. Исечете ја на триаголници, на секој триаголник да има парче шунка.
6. Обликувајте кифли, наредете ги во подмачкан плех, премачкајте ги со белка и посолете ги со сусам.
7. Печете ги во загреана рерна на 220 степени додека добијат златножолта боја.