За овој рецепт се потребни помалку од 50 минути

Пандишпан:

1. Белките пенасто се матат со миксер во цврст снег. Во нив се додаваат 12 лажици шеќер и се мати додека се растопи. Се додаваат 3 лажици брашно и 150 г кокос, убаво се меша со лажица за да се соедини смесата.
2. Смесата се претура во правоаголно тавче бр. 40 со хартија за печење и се пече во рерна на 180 степени додека да зарумени.
3. Откако малку ќе се излади, се вади од тавчето, му се отстранува хартијата и повторно се става во тавчето.

Прв фил:

1. Се става 500 мл вода во тенџере на оган, а претходно се вади малку од неа за да се разреди смесата со жолчките и нишестето. Во водата се додаваат 5 лажици шеќер.
2. Посебно се мешаат жолчките и 5 лажици нишесте со водата и тие се додаваат во зовриената вода со шеќер, па се меша додека се згусне.
3. Во филот се додава и 125 г маргарин и убаво се промешува додека се истопи.

Втор фил:

1. Цедениот сок од портокал се добива од 5 големи портокали (500 мл). Се става во тенџере на оган заедно со 5 лажици шеќер.
2. Одделно се мешаат 6 лажици нишесте со малку сок од портокал, а доколку не ви излезе 500 мл сок, може нишестето да се разреди со малку вода.
3. Нишестето се става во зовриениот сок и се меша до згуснување.
4. Се трга од оган, се додава 125 г маргарин и се меша додека се растопи.

Финална постапка:

1. Врз пандишпанот се става првиот фил, убаво се израмнува, па врз него се става вториот фил и тој убаво се мазни.
2. Целиот колач одозгора се наросува со останатиот кокос, се остава да се излади и се сече на коцки.