За овој рецепт се потребни помалку од 90 минути

1. Едно јајце се мати со млекото и со јогуртот, се додаваат маслото, квасецот, шеќерот, солта и брашното помешано со печивото. Се замесува мазно тесто кое се остава 1 час да нарасне.
2. Рацете се мачкаат со масло и тестото добро се меси. Повторно се остава да нарасне, па постапката се повторува уште еднаш.
3. Тестото се дели на два дела. Деловите се сукаат со дебелина од 1 см. На двете страни од тестото се става дробено сирење помешано со изматено јајце и се завиткува.
4. Се сечат парчиња од тестото во форма на коцки, се редат во плех и се оставаат да постојат 10 минути. Одозгора се премачкуваат со путер и по желба се наросуваат со сусам.
5. Се печат на 200 степени додека заруменат.