За подготовка на овој рецепт се потребни помалку од 120 минути

1. Во тепсијата во која ќе го печете крапот наредете неколку дрвца за ражениња. Во нив ставете го крапот за да не се залепи за тепсијата, па добро полијте го со исцедениот сок од лимон и одвнатре и однадвор.
2. Китката магдонос исечкајте ја, а главицата лук изгмечете ја, па измешајте ги во еден сад со 1 лажица од морската сол. Со смесата полнете го крапот.
3. На горната страна од крапот направете три засекувања и во секое од нив ставете по едно чешне лук.
4. Крапот прелијте го со маслото.
5. Половина китка магдонос исечкајте ја и измешајте ја со исечканите моркови, па ставете ги околу крапот. Додајте бело вино и вода.
6. Тепсијата покријте ја со фолија и печете во загреана рерна на 180°C, околу 1 час. Одвреме навреме полевајте го крапот со вода по потреба.
7. По 1 час извадете ја фолијата и печете уште 30 минути.