За овој рецепт се потребни помалку од 120 минути

1. Во сад се мешаат брашното, прстофат сол, малку рендана кора од лимон и шеќерот, па се прави длабнатина во средината и се додаваат путерот, омекнат и исечен на коцки, жолчките од јајце и водата.
2. Смесата убаво се меша, се мати со миксер додека да добие малку кремаст состав, а потоа се префрла на набрашнета површина, се додава уште брашно по потреба за да се замеси средно тврдо тесто.
3. Тестото убаво се изработува со рацете, постепено му се додава од брашното за да не се лепи, а потоа се става во проѕирна фолија и се остава во фрижидер 1 час.
4. Округла тава, со пречник 24 см, се премачкува со путер и се набрашнува.
5. Потоа од тестото се одделува мал дел. Поголемиот дел се расукува на набрашнета површина во форма на круг и се става во тавата, со тоа што на краевите малку ќе го задебелите.
6. Целото тесто се премачкува со џемот.
7. Помалиот дел се расукува на набрашнета површина и од него се сечат ленти за да се покрие питата.
8. Се става да се пече во загреана рерна на 180-200 степени, околу 30-40 минути. Послужете ја малку оладена и посипете ја со шеќер во прав по желба.