За овој рецепт се потребни помалку од 45 минути

1. Парчето леб потопете го во малку млеко и издробете го во еден сад. Додајте го меленото месо, 3 неварени јајца, ренданиот кашкавал, белото вино и зачинете со сол и бибер.
2. Месете ја смесата со дланките за да убаво ги измешајте сите состојки и да добиете хомогена смеса.
3. Половина од смесата ставете ја во намастен куглов калап. Убаво распоредете и натапкајте со прстите, наредете ги четирите варени јајца и поклопете ги со останатата смеса.
4. Убаво притиснете и поклопете, па потоа целиот колач покријте го со парчиња пршута.
5. Печете го во претходно загреана рерна на 180 степени, околу 30 минути.