За овој рецепт се потребни помалку од 45 минути

1. Измијте ги пиперките и ставете ги во загреана рерна на 190 степени да се печат околу 20-25 минути. Превртувајте ги често.
2. Во истата рерна потпечете го сусамот 5 минути.
3. Тиквичките измијте ги и исечете ги на коцкички.
4. Лукот ситно исечкајте го и пропржете го на оган со 2-3 лажици маслиново масло.
5. Додајте ги тиквичките во садот откако ќе се пропржи лукот, зачинете со оригано и сол, покријте со капак и гответе ги на умерено-тивок оган околу 15 минути.
6. Пиперките излупете ги и исчистете ги од семките, зачинете со малку сол, магдонос и масло.
7. Во тенџере зовријте околу 2 литри вода заедно со ловоровиот лист, шафранот, сол, па откако ќе зоврие додајте го оризот и варете го 10-12 минути.
8. Исцедете го оризот и оставете го малку да се подолади.
9. Потоа измешајте го во садот со тиквичките, сусамот и пиперките и декорирајте со сечкан босилек.