За овој рецепт се потребни помалку од 3 часа

1. Измешајте ги брашното, јајцето, шеќерот, солта и квасецот и додајте до 1 чаша топла вода (или помалку) за да замесите меко тесто. Тестото замесете го во топка и ставете го во сад, покријте го со фолија и оставете го да стасува 1-2 часа или додека не нарасне дупло.
2. Во меѓувреме загрејте 3 лажици масло во една тава и на него пржете ги плескавиците од двете страни (по 2-3 минути од секоја страна). Додајте им сол, бибер и држете ги настрана на топло.
3. Стасаното тесто поделете го на 12 парчиња и формирајте мали топки. Наредете ги врз намастен плех, покријте ги со фолија и оставете ги да стасаат 1 час.
4. Потоа растопете малку путер (1-3 лажици) и премачкајте ги топчињата тесто.
5. Врз пола од топчињата наросете сусам и ставете ги во загреана рерна на 190 степени да се печат 15-18 минути додека убаво не заруменат.
6. Потоа извадете ги од рерна и премачкајте ги со останатиот растопен путер и оставете ги да се оладат.
7. Исечете ги лепињите на половина и премачкајте ги со мајонез измешан со сенф. Во секое лепче ставете по лист марула, парче кашкавал, крукче домат и плескавица.
8. Сервирајте ги декорирани со печурка или кисела краставичка, набодени на чепкалка.