За подготовка на овој рецепт се потребни помалку од 45 минути

1. Во тенџере со зовриена посолена вода ставете го сечканиот карфиол на гранчиња да се обари. Тенџерето покријте го со капак. Откако карфиолот ќе се свари, исцедете го во цедалка.
2. Сирењето и кашкавалот крупно изрендајте ги, измешајте ги со 2 матени јајца и соединете ја смесата со дланките.
3. Во сад скршете 3 јајца и изматете ги со жица за матење. Обарениот и исцеден карфиол извалкајте го во брашно и во изматените јајца и пржете го од двете страни во тава со загреано масло.
4. Дел од похуваниот карфиол ставете го во керамички сад и одозгора ставете го претходно подготвениот фил со сирење и кашкавал, а потоа ставете одозгора ред карфиол.
5. Тавата со мусака од карфиол печете ја во загреана рерна на 200°C, околу 15 минути.
6. Преостанатите јајца изматете ги со павлаката, млекото и откако карфиолот ќе зарумени полијте го со смесата и вратете повторно во рерна. Мусаката е готова откако преливот ќе се запече.