За подготовка на овој рецепт се потребни помалку од 40 минути

1. Модрите патлиџани исечете ги по должина на тенки парчиња. Ставете им сол по желба и оставете ги некое време настрана да отстојат и да се исцедат.
2. Во тенџере ставете 1 лажица маст и пропржете го ситно сечканиот кромид.
3. Кога кромидот убаво ќе омекне, додајте ситно сечкани домати и на крај додајте го меленото месо. Посолете по вкус, промешајте и пржете додека месото убаво не зарумени.
4. Тргнете од оган и додајте сечкан магдонос и бибер.
5. Модрите патлиџани откако ќе отстојат, притиснете ги со прстите дополнително да се доцедат.
6. Секое парче извалкајте го во брашно, потоа во јајца и пак во брашно, а потоа испржете го на врела маст.
7. Во огноотпорен сад наредете ред испржени патлиџани, ред месо додека не се потроши целата смеса. Завршете со ред модри патлиџани одозгора.
8. Јајцата разматете ги со млекото и прелијте ги врз мусаката.
9. Печете ја мусаката во средно загреана рерна додека не фати коричка.
10. Послужете ја со кисело млеко.