За овој рецепт се потребни помалку од 90 минути

Њоки:

1. Сварените компири се дробат како за пире, се додава половина од путерот, се ренда 100 грама кашкавал и се меша со лажица. Се додаваат брашното и 3-те јајца и се замесува убаво тесто. Се остава да отстои 30 минути.
2. На набрашнета површина се расукува тестото од компири и се формира долгнавеста форма.
3. Формата се сече на парчиња и се формираат њоките. Се набрашнуваат и се шараат со ситната страна на рендето.
4. Њоките сварете ги 5 минути во тенџере со зовриена и солена вода и извадете ги со решеткаста лажица во чинија настрана.

Фил:

1. Шампињоните исечкајте ги на листови и пржете ги во тава со останатиот путер и со масло. Пржете ги и додајте сол и бибер по вкус, па тргнете ги настрана.
2. Шунката исечкајте ја на ситни коцки, додајте го ориганото и кечапот и убаво промешајте, па ставете во друг сад.
3. Половина од њоките распоредете ги во подмачкан со масло, огноотпорен сад. Врз нив наредете ги пржените шампињони, па шунката со кечап. Одозгора распоредете ги останатите њоки. На крајот врз њоките изрендајте ги преостанатите 200 грама кашкавал.
4. Јадењето печете го во загрена рерна на 200 степени околу 30 минути.